Aşıq Ələsgərin 175 illik yubileyinin keçirilməsi haqqında

Aşıq Ələsgərin 175 illik yubileyinin keçirilməsi haqqında 

Azərbaycan Respublikası Prezidentinin Sərəncamı

Azərbaycan sənətinin böyük ustadı Aşıq Ələsgərin 175 illik yubileyinin respublikada keçirilməsini təmin etmək məqsədi ilə qərara alıram:

1. Yubiley tədbirlərinin hazırlanması və keçirilməsi üçün aşağıdakı tərkibdə Təşkilat Komitəsi yaradılsın:

Elçin Əfəndiyev - Azərbaycan Respublikası Baş nazirinin müavini, sədr

Təşkilat Komitəsinin üzvləri

Rəfael Allahverdiyev - Bakı şəhəri İcra Hakimiyyətinin başçısı

Fatma Abdullazadə - Azərbaycan Respublikası Prezidentinin İcra Aparatının humanitar siyasət şöbəsinin müdiri

Polad Bülbüloğlu - Azərbaycan Respublikasının mədəniyyət naziri

Sirus Təbrizli - Azərbaycan Respublikasının mətbuat və informasiya naziri

Nizami Xudiyev - Azərbaycan Dövlət Teleradio Verilişləri Şirkətinin sədri

Fərəməz Maqsudov - Azərbaycan Elmlər prezidenti

Tofiq Quliyev - Azərbaycan Bəstəkarlar İttifaqının sədri

Anar Rzayev - Azərbaycan Yazıçılar Birliyinin sədri

Misir Mərdanov - M.Ə.Rəsulzadə adına Bakı Dövlət Universitetinin rektoru

Mübariz Yusifov - H.Zərdabi adına Gəncə Dövlət Pedaqoji İnstitutunun rektoru

Bəkir Nəbiyev - Azərbaycan Elmlər Akademiyasının Ədəbiyyat, Dil və İncəsənət bölməsinin akademik-katibi

Kamal Abdullayev - Mədəniyyət Fondunun sədri

Bəxtiyar Vahabzadə - Xalq şairi

Zəlimxan Yaqub - şair

İslam Ələsgərov - Aşıq Ələsgərin nəvəsi, tədqiqatçı

Ədalət Nəsibov - Əməkdar incəsənət xadimi

Narınc Səfərova - “Aşıq Pəri” məclisinin rəhbəri

2. Azərbaycan Elmlər Akademiyası və Mətbuat və İnformasiya Nazirliyi Aşıq Ələsgərin ədəbi irsinin, habelə onun həyat və yaradıcılığını əks etdirən tədqiqat işinin hazırlanıb çap olunmasını təmin etsinlər.

3. Azərbaycan Respublikasının Nazirlər Kabineti bu Sərəncamdan irəli gələn məsələləri həll etsin.

  Heydər ƏLİYEV  

  Azərbaycan Respublikasının Prezidenti

  Bakı şəhəri, 24 noyabr 1997-ci il

  № 694