Fransanın Azərbaycana qarşı növbəti qarayaxma kampaniyası ilə əlaqədar bəyanat
04 sentyabr 2024, 19:17

Fransa tərəfi Azərbaycana qarşı növbəti dəfə təxribata yol vermişdir. Bu ölkənin Xarici İşlər Nazirliyi Azərbaycan ilə bağlı 2024-cü il 4 sentyabr tarixində dərc etdiyi səyahət xəbərdarlığında ölkəmizin hüquq sisteminə kölgə salmağa və “dağlıq qarabağ muxtar vilayəti”, “ətraf rayonlar” kimi ifadələrdən istifadə edərək Azərbaycanın ərazi bütövlüyünə xələl gətirməyə cəhd göstərmişdir.

BMT Nizamnaməsi ilə üzərinə düşən de-kolonizasiya öhdəliklərini yerinə yetirməyən, neo-kolonializm siyasəti aparan və bununla da milyonlarla insanın təməl hüquqlarını pozan Fransanın insan hüquqlarından danışmağa haqqı yoxdur. Ermənistanın ən azı sözdə Azərbaycanın ərazi bütövlüyünü tanıdığı halda, Fransanın buna getməməsi onun Azərbaycana qarşı nə dərəcədə qərəzli yanaşdığını göstərir.

Qərbi Azərbaycan İcması Fransadan Azərbaycana qarşı apardığı qarayaxma kampaniyasına və təxribatlarına son qoymağı tələb edir.