Qafqazın 5 verstlik xəritəsinin nadir nüsxəsi Qərbi Azərbaycan İcmasında
07 fevral 2023, 23:33

Diplomat Cavanşir Axundov Qərbi Azərbaycan İcmasına Çar Rusiyası hökumətinin hazırladığı Qafqazın 5 verstlik xəritəsini hədiyyə edib.

İcmanın idarə heyətinin sədri Əziz Ələkbərli ilə görüşdə səfir vurğulayıb ki, bu xəritə Qafqazın nadir xəritələrindəndir və bu xəritə üzərində də minilliklər boyu yaşadığımız Qərbi Azərbaycan ərazisindəki bütün toponimlər Azərbaycan dilindədir və xəritə nadir tarixi sənəd sayılır.

İcma sədri hədiyyəyə görə Cavanşir Axundova təşəkkür edərək, xəritənin yaxından tədqiq olunacağını bildirdi. Görüşdə diplomat Qaley Allahverdiyev, Qərbi Azərbaycan İcması sədrinin müavini Hikmət Babaoğlu, İcmanın şöbə müdirləri Qalib Qasımov və Miraslan Bəkirli iştirak edib.