Qaradağ rayonunun məktəbliləri arasında “Tarix-Azərbaycan” mövzusunda intellektual yarış keçirilib
30 oktyabr 2024, 18:48

Qaradağ rayon Gənclər və İdman İdarəsi və Qərbi Azərbaycan İcmasının birgə təşkilatçılığı ilə Qaradağ rayonunun məktəbliləri arasında “Tarix-Azərbaycan” mövzusunda intellektual yarış keçirilib.

Əvvəlcə Vətən yolunda canından keçən şəhidlərimizin əziz xatirəsi 1 dəqiqəlik sükutla yad edilib.

Tədbirdə açılış nitqi söyləyən Qaradağ Rayon Gənclər və İdman İdarəsinin baş məsləhətçisi İlqar Qasımov iştirakçılara uğurlar arzulayıb, Gorus rayon üzrə icma sədri Etibar Həsənov isə tədbir iştirakçılarını Qərbi Azərbaycan İcması İdarə Heyətinin sədri, Milli Məclisin deputatı Əziz Ələkbərlinin adından salamlayıb.

Yarış iştirakçıları barədə məlumat verən Qaradağ Rayon Gənclər və İdman İdarəsinin sektor müdiri Elçin Abbasov 8 komandanın - “Xarı Bülbül” (197 nömrəli tam orta məktəb), “Zəfər” (184 nömrəli tam orta məktəb), “Qalibiyyət dastanı” (139 nömrəli tam orta məktəb), “Qarabağ” (106 nömrəli tam orta məktəb), “Böyük Azərbaycan” (166 nömrəli məktəb-lisey), “Murov Qartalı” (180 nömrəli tam orta məktəb), “Zəfər” komandası (288 nömrəli tam orta məktəb), “Müsavat” (233 nömrəli tam orta məktəb) adlı hər komandada 4 nəfər olmaqla, 32 şagirdin yarışa qatıldığını qeyd edib.

Yüksək rəqabət mühitində davam edən yarışın yekununda "Zəfər" komandası (288 nömrəli tam orta məktəb), “Qarabağ” (106 nömrəli tam orta məktəb) və “Böyük Azərbaycan” (166 nömrəli məktəb-lisey) komandaları müvafiq olaraq 1,2,3-cü yerlərə layiq görülüblər.

Yarışın qalibləri müvafiq dərəcəli diplomlar və xatirə hədiyyələri ilə təltif olunublar.

Sonda xatirə şəkli çəkdirilib.