Qərbi Azərbaycan İcması

Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə "Mədəniyyətin və Milli Ənənələrin Təbliği" ictimai birliyi "Qərbi Azərbaycanda azərbaycanlıların qəbirstanlıqlarının dağıdılması" layihəsi - filminin təqdimat mərasimini keçirib. Tədbir Azərbaycan Memarlıq və İnşaat Universitetində baş tutub. Layihənin rəhbəri İctimai birliyin sədri, tanınmış jurnalist Etibar Məmmədovdur. Tədbirdə layihə müəllifləri ilə yanaşı Universitet rəhbərliyi, Milli Məclisin deputatları Pərvin Kərimzadə, Naqif Həmzəyev, Qərbi Azərbaycan İcmasının İctimaiyyətlə Əlaqələr və Qərbi Azərbaycan Televiziyası şöbəsinin müdiri – Mətbuat Katibi Ülviyyə Zülfiqar iştirak edərək çıxış edib, layihənin önəmini vurğulayıblar.