Beynəlxalq əməkdaşlıq
05 dekabr 2024, 15:38
5-6 dekabr 2024-cü ildə Bakıda keçirilən Qərbi Azərbaycan İcmasının “Qayıdış hüququ; Ermənistandan zorla çıxarılmış azərbaycanlılar üçün ədalətin təmin edilməsi” mövzusunda ikinci beynəlxalq konfransı çərçivəsində Qərbi Azərbaycan İcması Gənclər Şurasının sədr müavini, Milli Məclisin deputatı Kamal Cəfərov ilə "Vestnik Kavkaza” İnformasiya Analitik Agentliyinin ingilis dili versiyasının baş redaktoru Marina Laqutina arasında görüş keçirilib.
Görüş zamanı Kamal Cəfərov bildirib ki, Ermənistan hökuməti qovulmuş azərbaycanlıların hüquqlarını bərpa etmək sahəsində tədbir görməkdən imtina edir və onları vətənlərində yaşamaq hüququndan istifadə imkanından məhrum etməkdə davam edir. İcma bununla bağlı Ermənistanın baş naziri Nikol Paşinyana müraciət etsə də, dialoqa çağırış cəhdləri cavabsız qalır.
